ILOILO CITY- Nabaton na sang National Inter-Agency Task Force ang appeal letter sang Iloilo City kag Iloilo Province nga ipabilin sa Modified Enhanced Community Quarantine (MECQ) ang syudad kag probinsya kag indi pagdayunon ang rekomendasyon nga ipaidalom ang mga ini sa Enhanced Community Quarantine(ECQ).

Sa interview sang Bombo Radyo kay Undersecretary Epimaco Densing III sang Department of the Interior and Local Government, iya ginpahayag nga naistoryahan na nila ang pag-apela sang Iloilo City kag Province apang wala niya ginkumpirma nga ipatuman na gid ang ECQ sa syudad kag probinsya.

Suno sa iya, ang final approval ang magadepende sa IATF nga natalana nga magsapol subong nga adlaw.

Gindugang man ni Densing nga magluwas sa Iloilo City kag Province, may iban man nga lugar sa Western Visayas ang nagpadala man sang appeal letter.

Ginpangabay naman niya sa mga pumuluyo sang Iloilo nga mag-angkon sang disiplina, likawan ang mass gathering kag mangin ang pag-inom-inom sa publiko.

Handa naman nga magbalik sa syudad si Densing agud istoryahon liwat ang mga opisyal kag ang mga pumuluyo nga tumanon ang health protocol agud nga mag-improve ang COVID-19 situation.

Matandaan nga nagpadulong si Densing sa Iloilo City sang Hulyo 2 agud lantawon ang sitwasyon samtang napaidalom ang syudad sa MECQ.

Facebook Comments

bomboradyo