Gin-force evacuate ang duha ka pamilya nga nagapuyo sa kilid sang baybayon sa Zone 6, Barangay Boulevard, Molo, Iloilo City matapos nagpakatig-a nga magsaylo sa evacuation center bangud sa habagat.

Ini ang kasunod man sang pagsaka sang tubig-baha sa kapin duha ka metros sa nasambit nga lugar tuga sang mabaskog nga pagbalod sa baybayon kag pagmadlos sang hangin sa diin nagsaka na lamang sa atop ang duha ka pamilya.

Sa interview sang Bombo Radyo kay Rosalie Castillano, isa sa mga gin-evacuate, iya ginpahayag nga wala sila naglaom nga malab-ot pa sang dapya sang balod ang ikaduha nga panalgan sang ila nga balay.

Suno kay Castillano, bangud indi luyag sang iya iloy nga maghalin sa ila nga balay, nag-ululupod na lamang sila pabilin sa sulod sang ila puluy-an sa baylo nga magsaylo sa evacuation center.

Nagkalaguba man ang pila ka bahin sang balay sang natungdan.

Sa subong, natigayon na nga ma-rescue sang mga otoridad ang mga na-stranded nga pamilya.

Nahibaluan nga may yara na sang pila ka mga balay nga nagkalaguba sa Zone 6, Barangay Boulevard, Molo, Iloilo City tuga sang bagyo Fabian.

Facebook Comments

bomboradyo