PASSI CITY – Patay ang driver sang backhoe nga nagkapan sa suba sa Barangay Gemat-y Passi City kaina pasado las-9 sang aga.

Photo from Sheila Gabas

Ang biktima amo si Efrain Gumban, 67 anyos sang Dingle, Iloilo.

Sa interview sang Bombo Radyo kay Police Lt. Arturo Hipoliero, imbestigador sang Passi City Police Station, iya ginpahayag nga ang backhoe ang yara sa suba bangud nagakutkot ini sang duta sang wala natulupangdan ni Gumban nga yara na sa maidalom nga bahin sang suba ang backhoe.

Suno kay Hipoliero, mahimo nga nalipong kag na-trap sa sulod sang backhoe ang biktima kag ini man ang nalumos.

Nahibaluan nga may yara sang pilas sa ulo nga naangkon ang biktima.

Facebook Comments

bomboradyo