Nagapangita na sang dugang nga pondo ang Department of Labor and Employment (DOLE) para sa assistance nga ihatag sa mga mamumugon nga maapektuhan sang duha ka semana nga pagpaidalom sa enhanced community quarantine (ECQ) sa Metro Manila, umpisa Agosto 6.

Suno kay Labor Undersecretary Benjo Santos Benavidez, wala pa natumod sang ahensya kun magahingyo sila sang dugang nga pondo sa Department of Budget and Management ukon gamiton na lamang ang ila nabilin nga fund.

Nahibaluan nga i-paidalom sa pinaka-istrikto nga quarantine status ang Manila kasunod sang presensya sang pila ka COVID-19 Delta variant nga yara na sa pungsod.

Una na ginpahayag ni Socioeconomic Planning Secretary Karl Kendrick Chua nga kada semana nga yara sa ECQ ang National Capital Region— ang sentro sang ekonomiya sang pungsod, ginabanta nagadangat sa kapin P105 billion ang economic loss katumbas sang 444,000 job loss.

Facebook Comments

bomboradyo