Ginaduso sang Department of Health (DOH) ang indi pagrequire sang COVID-19 testing sa mga Filipino nga fully vaccinated sa abroad nga magapauli sa Pilipinas.

Ang pinakaulihi nga pagsulundan sang gobyerno ang nagapahanugot sang sini nga polisa sa mga fully vaccinated nga mga indibidwal sa pungsod.

Suno kay DOH Undersecretary Maria Rosario Vergeire, sa idalom sang present guidelines, ang mga fully vaccinated nga Filipino ang magapaidalom lamang sa reverse transcription polymerase chain reaction (RT-PCR) test kun makitaan sang sintomas sang COVID-19 sa sulod sang pito ka-adlaw nga quarantine period.

Ang pagpatuman sang seven-day facility-based quarantine period para sa mga Filipino nga magapuli halin sa abroad kag nakabaton sang full vaccination sa pungsod ang magaumpisa sa Hunyo 22.

Dugang pa ni Vegeire, ini ang ginarekomenda na man subong para sa mga Filipino nga nabakunahan na abroad.

Nahibaluan nga ginapatuman sa gihapon sang mga otoridad ang COVID-19 testing sa mga nagaabot nga byahero bilang kabahin sang contact tracing kag iban pa nga response efforts sang gobyerno.

Facebook Comments

bomboradyo