ILOILO CITY – Lauman na ang labi pa nga paggutok sang mga presuhan sa pungsod, sa pagbalik sang Oplan Tokhang.
Sa interview sang Bombo Radyo Iloilo, ginpahayag ni Department of Interior and Local Government (DILG), sa karon masobra katunga sang mga preso sa bug-os nga Pilipinas ang may kaangtanan sa iligal nga droga.
Apelar sang tiglikom sa mga involve sa illegal drugs nga untatan na ang malain nga ginahimo.
Suno kay Hinlo, indi lang makapagutok sang presuhan ang drugs, makaguba man ini sang kabuhi.
Pahayag pa sang opisyal, wala sang ikasarang ang BJMP nga pasangkaron ang ila mga pasilidad.
Wala sang pondo suno kay Hinlo ang BJMP para magbakal sang duta kag nagasalig lang sa donasyon sang LGU kag pribado nga mga indibidwal.

Facebook Comments

bomboradyo