Gintawag ni Impeachment manager Rep. Madeleine Dean nga “desperate president” si anay US President Donald Trump.


Isa si Dean sa madamo nga mga myembro sang Kongreso nga naghalin sa sulod sang US Capitol sang natabo ang pagpang-atake sang Enero 6.


Suno kay Rep. Dean, ginpatawag mismo ni Trump ang mga public officials kag gin-imbitar nga magkadto sa Oval office sa diin ginpang-engganyo sila sang anay presidente nga baliskadon ang nangin resulta sang eleksyon.

Apang pahayag ni Dean, nangin maisog ang mga opisyal kag napaslawan si Trump nga matigayon ang iya luyag nga matabo.


Samtang pahayag naman ni Democratic Rep. Ted Lieu, nadulaan na sang pamaagi si Trump nga mapabilin pa ang iya gahom bilang presidente sadto rason nga pagpamahog na lang ang ginahimo sini sa mga opisyal sang gobyerno.

Naglab-ot sa punto suno kay Lieu nga ginpakahuy-an pa ni Trump ang mga senador nga mismo kaalyado man lang niya sa Republican party.


Ginapaandaman man sila sang anay presidente nga kun indi mabaylo ang resulta sang eleksyon, indi man sini malimtan ang mga republican senator kag ginpahog pa nga magapangatubang ang mga ini sang konsekwensya.

Facebook Comments

bomboradyo