Umpisahan na subong nga adlaw, Hunyo 7, ang pagbakuna sa mga economic frontliners nga nalakip sa A4 priority group.

Suno kay Health Secretary Francisco Duque III, opisyal nga patigayunon ang umpisa sang vaccinations sa amo nga priority group paagi sa ceremonial vaccination sa isa ka daku nga mall sa Pasay City.

Ini ang gin-anunsyar sang tiglikom sang nag-abot ang isa ka milyon nga doses sang CoronaVac vaccine sa Ninoy Aquino International Airport kahapon sang aga.

Suno kay Duque, maga-focus ang vaccination sa A4 population sa ‘densely populated areas’ ilabi na sa mga rehiyon sa pungsod nga nagaeksperyensya sang surge sang new coronavirus cases.

Lakip sa namensyonar ni Duque nga may surge amo ang Rehiyon 6 ukon Western Visayas, Rehiyon 9, 10, 11, 12, 13, kag Bangsamoro Autonomous Region in Muslim Mindanao (BARMM).

Samtang, suno naman kay vaccine czar Carlito Galvez Jr., target sang gobyerno nga matublok ang 6 million shots subong nga semana.

Ginalauman man nga maabot sa Pilipinas sa Hunyo 10 ang dugang nga one million doses sang bakuna sang Sinovac kag 2.2 million doses sang Pfizer COVID-19 vaccines.

Facebook Comments

bomboradyo