ILOILO CITY – Napasa na sang Iloilo City Government ang COVID-19 Vaccination Plan sang syudad sa Department of Health (DOH).

Sa interview sang Bombo Radyo kay Iloilo City Mayor Jerry Treñas, iya ginpahayag nga ginahulat na lang subong kun ano ang mangin feedback sang DOH kag kun ano pa ang mga dugang nga suhestyon ukon rekomendasyon sang ahensya natuhoy sa nasambit nga plan.

Nagalaom man siya nga maaprubahan ini sang DOH agud matutukan nalang sang maayo ang ginahulat nga COVID-19 vaccination sa tion nga mag-abot na sa syudad ang mga ginbakal nga bakuna.

Suno kay Treñas, may yara na sang lima ka COVID-19 Vaccination site ang Iloilo City.

Ini amo ang Central Philippine University, Ateneo De Iloilo, West Visayas State University, Iloilo Science and Technology University kag John B. Lacson Foundation Maritime University.

Gintuad man ni Treñas nga may yara na sila sang na-identify nga mga medical staff sa tion sang Vaccination.

Dugang pa sang natunlgdan, ginapangitaan na sang pondo ang tanan nga kinahanglanon sa COVID-19 vaccination sang syudad kaangay sang mga cotton ball, syringes, kag iban pa nga mga equipment.

Facebook Comments

bomboradyo