Nagapati ang Department of Health (DOH) nga ‘manageable’ pa ukon masarangan nga kontrolon ang pagtaas sang COVID-19 cases sa nagkalain-lain nga bahin sang pungsod.

Suno kay DOH Undersecretary Leopoldo Vega, apisar ‘manageable’ ang COVID-19 cases, apang nagadapat sa gihapon nga sundon ang minimum health standards.

“Manageable pero kailangan talaga natin ipatupad ’yong minimum health standards natin. Kasi napansin namin, once there is a break of level of compliance dito sa local government units, doon mo mapapansin talaga ang pagra-rise,”pahayag ni Vega.

Ini bangud sa tion nga may yara sang ‘break of level of compliance’ sa local government units, ila mamutikan ang gulpi nga pagtaas sang kaso sang COVID-19.

Magluwas sa National Capital Region, narekord man ang mataas nga kaso sang COVID-19 sa Calabarzon, Central Luzon, Western Visayas, Northern Mindanao kag Cagayan Valley region.

Pila sa mga partikular nga lugar nga nagtaas ang mga COVID-19 cases amo ang Davao City, Cagayan de Oro City, South Cotabato, kag Iloilo City.

Ginhugtan naman suno kay Vega ang border control kag iban pa nga mga pamaagi agud matapna ang COVID-19.

“Ang ginagawa talaga ngayon sa mga local government units, alam nila na the only way para ma-prevent ’yong transmission or spread of the virus, talagang gagawa sila ng border control,” dugang pa ni Vega.

“Nagbigay na rin kami ng mga support kasi alam natin na sa outside of Metro Manila, ang ratio between population at intensive care unit, talagang mababa ’yan. Kaya kailangan talaga bibigyan mo ng support, lalo na ng equipment,” pahayag sang natungdan.

Gindugangan naman suno sa ospisyal ang mga critical care beds sa Western Visayas, Southern Mindanao, Caraga kag Zamboanga Peninsula.

Nagdeploy man ang DOH sang mga dugang nga medical staff sa mga probinsya.

Apang may 22 percent pa nga wala na fill in sa 10,000 ka ginpain nga posisyon sa emergency hiring.

Samtang, nagpanawagan man ang Philippine Red Cross sa publiko nga magpabakuna ilabi na subong nga makit-an ang maayo nga epekto sini sa medical staff.

Suno kay Dr. Michael Tee, consultant sa Philippine Red Cross, nagnubo naman sa 40% ang numero sang mga healthcare worker nga nalatnan sang COVID-19.

Magluwas sini, nagnubo man ang numero sang mga nagapauli nga overseas Filipino worker nga positibo sa virus.

“Maaring sila rin po ay na nabakunahan na nang kumpleto bago sila nakauwi ng Pilipinas,” pahayag ni Tee.

Nagpanugyan man ang Philippine Red Cross, nga kinahanglan pa sang gobyerno nga pabaskugon ang tracing, testing kag isolation agud mapunggan ang paglapta sang virus.

Facebook Comments

bomboradyo