Pormal na nga ginlunsyar sang Philippine Postal Corp. (PhlPost) ang commemorative stamp sang PBA Living Legend kag PBA superstar Robert Jaworski.

Ini ang kadungan sang pagselebrar sang 75th anniversary sang PhlPost.

Wala naman nakatambong personal sa event si Jaworski bangud sa giansuprer sini nga rare blood disorder.

Apang yara man bilang tiglawas ang iya anak nga si Robert “Dodot” Jaworski Jr. sa diin kaupod sini sanday Postmaster-General Norman Fulgencio, Executive Secretary Salvador Medialdea, 4-time PBA MVP kag Philippine Sports Commission (PSC) commissioner Ramon Fernandez kag PBA commissioner Willie Marcial.

Nagtambong man ang mga players sang Barangay Ginebra nga sanday Japeth Aguilar, Mark Caguioa, Joe Devance, Stanley Pringle, LA Tenorio kag Scottie Thompson sa nasambit nga event.

-- Web Ads --

Ang Barangay Ginebra amo ang PBA club ni Jaworski nga amo ang ginhalinan sang “never say die” spirit.

Facebook Comments

bomboradyo