Gin-ako sang Commission on Elections (COMELEC) nga mabudlay gid ipatuman ang ila polisa sa campaign period ilabi na sa pagpatuman sang minimum public health standards sa campaign rallies ukon activities.
Sa interview sang Bombo Radyo kay COMELEC Region VI Director Atty. Wilfred Jay Balisado, iya ginpahayag nga pag-abot sa kampanya ukon campaign rallies, gina-engage gid ang pumuluyo nga magtililipon.
“Ang campaigning kasi is really engaging people to come together. Like sa hand shake, paano natin ipag-bawal, kasi ganon talaga yung usual na ginagawa pag mag-campaign…like ang selfies… especially kung may mga celebrities…It’s part of Filipino culture, mahirap talaga ipagbawal.”
Suno sa iya, mabudlay man sawayon ang mga Pinoy nga maglikaw sa hand-shaking ukon pag-selfie bangud nangin kabahin na ini sang Filipino culture sa tion sang kampanya ilabi na kun may artista nga upod ang isa ka kandidato.
Sa pihak sini, ginahingyo ni Balisado ang tanan nga kandidato kalakip na ang organizers sang ila kampanya nga manduan ang supporters nga likawan lang ang pag-hand-shake, paghakos kag pag-selfie bangud kabahin ini sang polisa sang COMELEC.
Nahibaluan nga sa campaign period, hugot nga ginapatuman sang COMELEC ang mga masunod:
- pagpatuman sang health protocols (kinahanglan nga ikonsiderar ang alert level status ukon category sang isa ka lugar bag-o magpatigayun sang internal campaign ukon rally);
- nagakadapat nga wala sang house to house campaigning (kinahanglan man sang permit halin sa COMELEC kun plano nga magsulod sa munisipyo sang isa ka political candidate);
- likawan ang pagpangampanya sa crowded areas ukon magtuga sang mass gathering;
- ginadumili-an ang selfies ukon pagpa-picture sa mga supporters; kag
- kun ginhagad nga magsulod sa balay, nagakadapat nga magpamalibad ang kandidato
Facebook Comments