Kabahin na sang kabuhi sang isa ka indibidwal ang magpamati sang mga ambahanon kag tunog nga nagahalin sa nature kag palibot.

Apang suno sa mga eksperto, nagakadapat man nga mangin kabahin sang lifestyle sang isa ka indibidwal ang pag-angkon sang ”quiet time” ukon silent moments.

Suno kay clinical health psychologist Dr. Amy Sullivan, ang quiet moments ukon malinong nga palibot ang nagabulig sa pag-shut down sang physical response sang lawas sa stress.

Buot silingon, ang paghipos kag pagkalma ang makabulig sa:

  • Pagpanubo sang blood pressure;
  • Pagnubo sang heart rate;
  • Pag-steady sang breathing ukon pagginhawa;
  • Pagpahagan-hagan sang muscle tension; kag
  • Pagpasanyog sang focus kag cognition.

Pahayag ni Dr. Sullivan, ang silence ukon kalinong ang nagubilig man sa isa ka indibidwal sa pag-develop sang skills kaangay sang masanyog nga creativity kag communication skills.

-- Web Ads --

Dugang pa sang doktor, natukiban sa isa ka pagtuon sang 2013 nga ang duha ka oras nga kalinong ang nagatuga sang bag-o nga cells sa hippocampus region sang utok nga naangot sa learning, remembering, kag emotions.

Facebook Comments

bomboradyo