Padayon nga nagatinir ang mga Chinese militia ships sa West Philippine Sea sa pihak sang diplomatic protests nga gin-file sang Pilipinas.

Photo from National Task Force on the West Philippine Sea

Suno sa Asia Maritime Transparency Initiative (AMTI), nagnubo ang numero sang mga Chinese vessels nga yara sa Iroquois Reef humalin sang nag-file sang protesta ang pungsod apang indi buot silingon nga naghalin na sila sa teritoryo sang Pilipinas bangud natukiban nga nagsaylo lang ang mga barko sa Union Banks.

Ang ginahimo sang China ang ebidensya sang pagpatigayon sang “shell game” ukon pagpakuno-kuno nga masaylo sa iban nga lugar nga mas bentaha sa ila.

Halimbawa, sa baylo nga maghalin sa teritoryo, ang ginahimo sang Chinese maritime militia amo ang maglapta-lapta sa nagkalain-lain nga mga reefs.

Apang ang kabug-usan nila nga numero dugang pa sang grupo ang nagapabilin sa gihapon nga ‘consistent’.

-- Web Ads --

Kun magadapayon pa ang mga militia vessels sa pagtinir sa Union Banks, lauman nga mas madamo pa nga mga diplomatic protests ang iga-file sang pungsod.

Facebook Comments

bomboradyo