Nagpadala sang sulat ang China nga naga-congratulate sa Pilipinas kadungan sang pagselebrar sang duha ka mga pungsod sang ika-46 ka tuig sang diplomatic relations.

Suno kay Chinese President Xi Jinping, handa siya nga makatrabaho si Duterte sa paggiya sang bilateral relations.

Luyag sang presidente nga makaangkon sang “win-win results” kag “mutual benefits.”

Nagalaum si Xi nga ang pag-abyanay sang China kag Pilipinas amo man nila ni Duterte ang mas mangin mabinunangahon kag magasangkad pa sa palaabuton.

Ginpahayag man sang Chinese president nga ang relasyon sang duha ka mga pungsod ang nagpabilin nga “healthy” kag may stable development sa diin naghatag ini sang madamo nga mga benepisyo sa China kag Pilipinas.

Santu pa sa sulat, nasaad nga sa tunga sang COVID-19 pandemic, ang China kag Pilipinas ang nagbuligay man sa diin ini ang nagpasangkad pa sang pag-abyanay sang duha ka mga kapungsuran sa pihak sang tensyon sa West Philippine Sea.

Ang mga sulat ang kasunod sang serye sang diplomatic protests nga gin-file sang Pilpinas batuk sa China bangud sa mga presensya sang mga barko sa West Philipiine Sea nga amo ang exclusive economic zone sang Pilipinas.

As of May 28 subong nga tuig, naglab-ot sa 99 ka mga protest notes lakip na ang daily protests nga ginpromisa sang Department of Foreign Affairs (DFA) nga i-file adlaw-adlaw tubtob nga nagapabilin sa gihapon sa Juan Felipe Reef sa sulod sang West Philippine sea ang mga barko sang China.

Samtang, pahayag naman ni Pres. Duterte, ang “win-win cooperation” sa tunga sang Pilipinas kag China ang magahatag sang “greater peace, progress, kag prosperity” sa duha ka mga pungsod.

Ang ika-46 nga anibersaryo sang diplomatic relations pahayag pa niya ang naga-remind sa madalom kag nagapabilin nga friendship sa tunga sang mga Filipinos kag mga Chinese.

Facebook Comments

bomboradyo