Nangin madinalag-on ang Ride for a Cause ang Charity Ride for the Sakayanon nga ginlunsyar sang Provincial Government sang Guimaras para sa mga nadulaan sang trabaho nga mga sakayanon sang wooden-hulled motorbanca matapos nag-expire ang prankisa sa Maritime Industry Authority Region 6.

Sa interview sang Bombo Radyo kay PSSg. Randy Centina, pinuno sang Highway Patrol Group, iya ginpahayag nga madamo ang mga nag-upod nga motorcycle riders sa aktibidad humalin sa mga nagkalain-lain nga grupo.

Suno kay Centina ang registration nga P100.00 sa nasambit nga aktibidad ang tipunon sang Guimaras Provincial Government agud nga ibulig sa mga sakayanon nga wala sang trabaho.

Ginpasigurado man suno kay Centina nga ginsunod sang tanan nga mga partisipante ang mga minimum health protocol rason nga nangin matawhay lamang ang aktibidad.

May yara man sang Motor Show for a Cause nga patigayunon naman sa Enero 30.

Ginalauman man suno sa natungdan nga buylugan sa gihapon sang mga tawo ang masunod nga Charity Run sa Enero 31.

Facebook Comments

bomboradyo