Magatutok ang Filipino gymnastics star nga si Carlos Yulo sa tatlo ka events subong nga semana sa 2021 World Artistic Gymnastics Championships sa Kitakyushu, Japan.

Suno kay Gymnastics Association of the Philippines President Cynthia Carrion, magapasakop si Caloy sa floor, vault, kag parallel bars events.

PHOTO: AFP

Ang 20 anyos nga si Caloy ang defending world champion sa floor exercise, isa ka historic feat nga iya naangkon sa katapusan nga world gymnastics tilt sang 2019.

Sang amo man nga tion, nakahimo si Caloy sang maragtas bilang una nga Pinoy nga nakakuha sang world gymnastics crown.

Matandaan nga sa vault apparatus nga category man sang diutayan lang siya nga nakakuha sang medalya sa iya Olympic debut sa Tokyo sang nagligad nga Agusto.

-- Web Ads --

Suno kay Carrion, target ni Caloy nga maka-gold sa floor exercise, silver sa vault, kag makabot sa final round para sa parallel bars.

Facebook Comments

bomboradyo