Isa na lang ka daug ang kinahanglan sang Filipino boxer nga si Carlo Paalam kag maka-secure na siya sang gold medal halin sa Tokyo 2020 Olympics.

Sa semifinals subong nga adlaw, ginpierde ni Paalam ang hometown bet ukon tiglawas sang Japan nga si Ryomei Tanaka.

Tokyo 2020 Olympics – Boxing – Men’s Flyweight – Quarterfinal – Kokugikan Arena – Tokyo, Japan – August 3, 2021 Carlo Paalam of the Philippines reacts after winning his fight Pool via REUTERS/Luis Robayo

Unanimous ang desisyon sang lima ka mga judges pabor kay Paalam, 30-27, 30-27, 29-28, 30-27, 30-27.

Bangud sini, sigurado na subong ang silver medal kag magabanse na si Paalam sa sunod nga round — ang finals sa iya division.

Matandaan nga nangin bantog na ang pangalan ni Paalam sang quarterfinals sang amo nga event matapos nga ginlutos niya ang Rio Games gold medalist nga si Shakhobidin Zoirov sang Uzbekistan — isa sa mga ginkabig biggest upset sa Olympiada subong nga tuig.

Sa finals sa Sabado, Agusto 7, mangin kasumpong ni Paalam si Galal Yafai sang Britanya.

Facebook Comments

bomboradyo