ILOILO CITY – Naghatag sang tip ukon panugyan ang Bangko Sentral ng Pilipinas agud nga madali nga matumod kun bala peke ukon indi ang kwarta.

Ini ang kasunod sang mga insidente sa diin ginagamit sa transaksyon ang peke nga kwarta.

Sa interview sang Bombo Radyo kay Andrew Luwen Ligad, public information officer sang Bangko Sentral ng Pilipinas, iya ginpahayag nga dapat nga sundon ang FLT ukon Feel, Look kag Tilt.

Suno kay Ligad, nagakadapat nga magaras ang kwarta sa baylo nga madanlog, may yara sang watermark, kitaon ang hitsura sang tawo sa blank space ukon sa puti nga bahin sang kwarta, kitaon ang corresponding amount kag ang security fibers.

Ginpahayag ni Ligad nga kun ipasinag ang kwarta, makita ang features kasubong sang itom nga broken line, indi repeated ang pattern kag sa likod nga bahin, makita ang pangalan sang Bangko Sentral ng Pilipinas.

-- Web Ads --

Ang P500 kag P1,000 nga bill ang nagalain ang kolor sa tion nga ipasinag sa diin sa kinyentos nga kwarta, makita ang blue naped parrot kag ang magamay nga BSP logo.

Sa isa ka libo nga kwarta naman, makita ang South Sea Pearl, nagalain ang duag sang optically variable ink kag may yara man sang special feature nga sa P1,000 bill lang makita.

Gin-athag ni Ligad nga ang Bangko Sentral ng Pilipinas lang ang makakumpirma kun bala peke ukon indi ang kwarta.

Andrew Luwen Ligad, public information officer, Bangko Sentral ng Pilipinas

Facebook Comments

bomboradyo