Nagpangabay si US President Joe Biden sa mga Americans nga magsuksok sang mask.

Suno kay Biden, ang pagsuksok sang face mask ang mangin requirement na sa ano man nga inter-state travel.

Dugang pa sang presidente, ang tanan nga international air passengers ang kinahanglan naman nga i-quarantine pag-abot sa Estados Unidos.

Wala man ginpalampuwas ni Biden ang administrasyon ni anay US President Donald Trump bangud sa pagresponde sa COVID-19 pandemic.

Pahayag niya, napaslawan ang sadto nga administrasyon nga tutukan ang pandemya sa diin nagalab-ot sa 3,000 tubtob 4,000 ka tawo ang nagakapatay kada adlaw.

Naghalad man ang presidente kag ang iya tiayon nga si Jill sang pangamuyo sa tanan nga mga Americans nga napatay bangud sa COVID-19.

Sa pihak nga bahin, ginpasalamatan man ni Biden ang mga myembro sang military nga nagbulig sa iya sa pagsiguro nga mangin hilway ang iya inagurasyon.

Sa subong napirmahan na sang Presidente ang mga executive orders may kaangtanan sa COVID-19 response.

Lakip sa mga executive orders amo ang mga masunod;

*Securing the supply chain
*Keeping workers safe
*Ensuring an equitable response
*Promoting safe travel
*Setting up the pandemic testing board
*Covid data that has to be maintained and recorded
*Making sure national guard support is available
*Expanding access to Covid-19 care and treatment
*Global response

Facebook Comments

bomboradyo