ILOILO CITY- Gintawag sang deputy spokesperson sang Bayan-Panay nga si Bryan Bosque nga lunsay mga palapaw nga istorya ang alegasyon sang self-confessed former rebel nga si Jeffrey Celis batok sa iya.

Sa interview sang Bombo Rado kay Bosque, iya ginpahayag nga matuod nga naga- organisa sila sang mga hublag, apang ini agud ipaathag sa mga tawo ang ila kinamatarong kag wala sang malain diri.

Suno kay Bosque, ang pag-organisa sang mga hublag kag pagmartsa sa dalanon ang nagakadapat pa nga pasalamatan sang gobyerno bangod may mga kaangay nila nga mas ginapili ang magsinggit kag magwelga sa dalan sa baylo nga mag-uyat sang armas.

Matandaan nga sa nauna nga interview sang Bombo Radyo kay Celis, ginpangalanan niya si Bosque bilang isa sa mga aktibista nga nagapatigayon sang recruitment sa mga eskwelahan agud mangin katapo sang CPP-NPA-NDF.

Ginkaakig naman ni Bosque nga tubtob subong, wala nagauntat si Celis sa paghaboy sang mga alegasyon nga para kay Bosque, produkto lang sang imahinasyon ni Celis.

Gindugang man niya nga kon may yara gid man sang nagasaka sa bukid agud mangin rebelde, wala na sila sang kontrol diri.

Facebook Comments

bomboradyo