Sa tanan nga kaaslom nga imo natilawan sa kabuhi, nakahibalo ka bala nga ang pampa-aslom nga prutas nga ‘Batuan’ ang isa sa may pinakamadamo nga mahatag nga benepisyo sa imo ikaayong lawas?

Ang Batuan fruit ukon ginatawag man nga Garcinia Binucao amo ang bantog nga pampa-aslom sa mga niluto sang Ilonggo kag Negrense.

Ang shape sini ang kaangay sang iya ka Patatas apang green ang iya nga duag.

Santo sa pagtuon sa University of the Philippines Los Baños, ang prutas nga “Batuan” ang manggaranon sa vitamin C, potassium, phosphorus, calcium, magnesium, iron, kag trace levels sang zinc, copper kag manganese.

Ang mga nasambit nga mineral nga makit-an sa Batuan ang makabulig panubo sang cholesterol levels sang tawo.

Natukiban man sa pagtuon nga ang batuan ang puno man sang anti-obesity properties sa diin epektibo ini para sa mga tawo nga luyag magpaniwang.

Para naman sa mga tawo nga diabetic, ang dahon sang batuan ang napamatud-an man nga epektibo sa pagpanubo sang blood sugar level.

Facebook Comments

bomboradyo