Sentro subong sang atensyon sa patag sang sports ilabi na sa women’s tennis ang pagahiwaton nga US Open finals sa bwas, Septyembre 12 bangud sa makasaysayan nga hampang sa tunga sang duha ka mga teenagers.

Base sa record humalin sang tuig 1968, subong lang liwat matabo ang finals nga lunsay mga unseeded players ang magaatubangay.

Ang Filipina Canadian nga si Leyla Fernandez ang ranked number 73 sa bilog nga kalibutan, samtang ang 18 anyos nga si Emma Raducanu halin sa Britanya ang yara naman sa ika-150 sa rankings.

Ang 19 anyos nga si Fernandez ang pinakabata nga player humalin pa sang tuig 1999 kun sa diin 17 anyos pa lamang sadto si Serena Williams, ginpiyerde na sini ang tatlo ka top 5 players sa isa ka major tournament.

Sa bahin naman sang iya nga makasumpong nga si Raducanu, lakip sa madamo niya nga record, amo nga siya ang una nga British woman nga magapartisipar sa major singles final sa sulod sang 44 ka tuig.

Samtang, tuman naman ang pagpasalamat sang iloy ni Fernandez nga isa ka ka Filipina sa mga Pinoy Fans nga nagabantay sa hampang sang iya nga anak.

Facebook Comments

bomboradyo