ILOILO CITY –Isa ka rehiyon na gid lang sa bilog nga Pilipinas ang wala sang may narecord nga COVID-19 delta variant.

Suno kay Dr. Alethea De Guzman, director sang Epidemiology Bureau sang Department of Health (DOH), ang Bangsamoro Autonomous Region in Muslim Mindanao (BARMM) na lang ang nagaisahanon nga rehiyon nga wala pa sang may nadetect nga mas makalalaton nga variant sang COVID-19.

Apang gin-athag niya nga wala ini nagakahulugan nga wala sang presensya sang amo nga COVID-19 strain sa Bangsamoro.

Pahayag niya, ini bangod nga diutay pa lang ang samples nga ila nakuha halin sa rehiyon.

Ang Delta variant nga kilala nga mas makalalaton kumparar sa original COVID-19 strain ang nagabug-os sang 11 percent sang tanan nga sequenced samples sa Pilipinas.

-- Web Ads --

Una na nga ginkumpirmar sang DOH nga may yara sang community transmission sang Delta variant sa National Capital Region kag Calabarzon, apang mabudlay nga ideklarar ang community transmission sa bilog nga pungsod.

Facebook Comments

bomboradyo