ILOILO – Napalab-ot na sa Department of Education Division of Iloilo ang kontrobersyal nga pagpasirado sang access road sa sulod kag paggwa sang Abangay National High School sa Abangay, Janiuay, Iloilo.

Sa exclusive interview sang Bombo Radyo kay alyas Patty, isa ka manunudlo sang nasambit nga eskwelahan, iya ginpahayag nga ginapanag-iyan sang ila kaupdanan nga manunudlo ang nasambit nga dalan.

Suno sa natungdan, naglain ang buot nila nga manunudlo lakip na ang nagpasarado sang dalan matapos nga wala ginpirmahahan sang ila Principal nga si Dina Pallaza ang ila nga loan.

Tungod sa kaakig, nagdesisyon ang ila upod nga manunudlo nga pasiraduhan ang access road.

Gin-ako man sang natungdan, nga madugay na nila nga ginareklamo ang pamatasan sang ila principal.

Facebook Comments

bomboradyo