ILOILO CITY- Ang iban nga tawo, masarangan nga mahimo ang brutal nga mga bagay para lang sa ila makinaugalingon nga interes kag kalipayan.

Kaangay sang ginhimo sang isa ka bana sa India nga luyag nga bulagan ang iya asawa agud magpakasal sa iban nga babaye.

Natabo ini sa Kollam District sang Indian state nga Kerala.

Madugay na nga plano sang 32-anyos nga bana nga makigbulag sa asawa tubtob nga nakapangita ini sang pamaagi.

Ang iya ginhimo, nagdala siya sang man-og nga cobra agud buntugon ang iya asawa kag pagwaon nga aksidente ini agud makuha niya ang mga alahas kag kwarta agud makapakasal sa lain nga babaye.

-- Web Ads --

Natigayon gid ang iya plano kag napatay gid ang iya asawa.

Apang sa maid-id nga imbestigasyon, natukiban ang iya ginhimo nga krimen.

Siya ang ginpamatbatan nga guilty sa kaso nga murder bangud sa pagpatay sa iya asawa.

Facebook Comments

bomboradyo