Nagatak-an ka man bala sa view saggwa sang bintana sa inyo nga balay?

Para sa isa ka pamilya sa Bosnia kag Herzegovina, indi ini problema bangud nagtukod ang isa ka amay sang balay nga nagalibot sang 360 degrees agud nanuhay-tuhay nga views ang makit-an sang iya pamilya.

Suno sa nasambit nga amay nga si Vojin Kusic, masami sadto nga ginabaylo-baylo sang iya asawa ang mga kwarto sa sulod sang ila nga balay agud lain naman nga view ang ila makita.

Apang bisan ano nila ka saylo sang kwarto, indi sa gihapon kuntento ang iya asawa sa view saggwa sang ila bintana.

Agud nga indi na siya mag-ugtas sang wala untat nga saylo sang kwarto kag malikawan nga mabatian ang reklamo sang iya asawa, nagdesisyon nalang si Kusic nga magtukod sang nagalibot nga balay.

-- Web Ads --

Lango-lango ni Kusic, mahimo nila palibuton ang ila balay kun may bisita sila nga indi naluyagan.

Naglab-ot sa anum ka-tuig ang pagtukod sa nagalibot nga balay kag mahimo man maislan ang kadasigon sang paglibot sini.

Pinakadasig amo ang 22 ka segundo samtang 24 ka oras naman ang pinakadugay.

Facebook Comments

bomboradyo