ILOILO CITY- Naglab-ot tubtob sa tuhod ang baha sa Brgy. Igtuba, Miagao, Iloilo kasunod sang pagbubu sang mamunog nga ulan kaina sang aga.

Sa interview sang Bombo Radyo kay Punong Brgy. Sherlita Alegre, iya ginpahayag nga sa kada tion nga mag-ulan, maeksperyensiyahan nila ang pagbaha bangud nga manubo ang ila lugar kag diri nagailig ang tubig gikan sa iban nga barangay.

Suno kay Alegre, isa pa gid ka rason sang pagbaha amo ang manabaw nga drainage system sa bag- o ginconstruct nga dalan.

Pahayag niya, gindangop na niya ini sa Department of Public Works and Highways paagi sa barangay resolution kag suno sa iya, nagpasalig ang ahensya nga ilakip ini sa planning para sa masunod nga tuig agud indi na mag-antos ang pumuluyo kag ang mga motorista sa amo nga problema.

Facebook Comments

bomboradyo