Ginsirado na ang mga port kag ginkansela ang mga flights kag byahe sang mga train sa Taiwan bangud sa Bagyo Chanthu ukon Bagyo Kiko.

Suno kay Bombo International Correspondent Dan Amorsolo, direkta sa Taiwan, ginakabig na subong nga medium typhoon ang bagyo Chanthu.

Santo man sa weather authorities sa nasambit nga pungsod, magadala sang mamunog nga pag-ulan kag mabaskog nga pagmadlos sang hangin ang bagyo Chanthu kun maglandfall sa kabukiran sang nasidlangan nga bahin sang Taiwan.

Ang bagyo Chanthu ang nakit-an man nga magalabay sa Zhejiang province kag Shanghai sa China.

Pahayag ni Amorsolo, kahapon pa lang, Septyembre 11, ginkansela na sang Taiwanese airlines ang tanan nga domestic flights.

Ginmanduan naman ni Taiwan President Tsai Ing-wen, ang mga pumuluyo ilabi na ang mga nagapuyo malapit sa coastal areas kag kabukiran nga mangin alerto.

Handa man ang disaster preparations sang gobyerno sa posibilidad sang pagbaha kag pagluntad sang landslides.

Facebook Comments

bomboradyo