Nasapwan sang mga manugtapas sang tubo ang nagalinapta nga tul-an kag bagul sang tawo sa sulod sang katubuhan sa Barangay Salvacion, Balasan, Iloilo.

May nakit-an man nga jersey shorts malapit sa mga tul-an.

Sa interview sang Bombo Radyo kay Police Master Sergeant Francis Acovera, imbestigador sang Balasan Municipal Police Station, iya ginpahayag nga sandig sa abiso sang SOCO, ginpalubong na lang anay ang amo nga mga tul-an bangud wala man sang nag-claim nga pamilya.

PHOTO: BALASAN MPS

Palaligban pa kun sin-o ang tag-iya sang bagol kag sang mga tul-an. Wala sang reported nga missing person sa Barangay Salvacion kag sa bilog nga banwa suno sa pulis.

Ginapahayag madugay na nga yara sa area ang mga tul-an bangud wala na gid sang unod nga nakit-an. #

-- Web Ads --

Facebook Comments

bomboradyo