Nakahibalo ka bala nga may yara sang mga tawo nga nagaka-attract sa mga gamit tubtob nga mapaminsaran nga amo sini ang ila nga pakaslan?

Dido sa Russia, indi tawo ang naluyagan ni Rain Gordon kundi ang iya mismo nga briefcase.

Siya ang may yara sang kondisyon nga ginatawag objectophilia ukon ang tawo nga romantically ukon sexually attracted sa isa ka gamit.

Ginpangalanan ni Rain nga “Gideon” ang iya briefcase kag ini pa ang luyag niya nga pakaslan.

Kag wala ini napaslawan sa iya handom bangud sa bulig sang abyan niya, nakasal gid man si Rain kag Gideon.

Ginpakigbahin sang 24 anyos nga babaye nga nakaagi man ini relasyon sa lalaki apang mas attracted kag malipayon ini sa mga gamit.

Ang briefcase ni Rain ang iya nabakal lima ka tuig na ang nakaligad kag nagapati ini nga may yara sang kabuhi ang tanan nga makita niya sa palibot.

Suno pa kay Rain, gina-istorya niya si Gideon kag kun kaisa nagakup-anay man sila, nagahalukanay kag masami sini ginahulid sa pagtulog.

Indi lamang isa ka bana si Gideon pahayag niya kundi isa man ka abyan kag mentor.

Wala na sang labot pa si Rain sa ginahambal sang tawo batuk sa iya bangud para sa 24-anyos nga babaye, “Love is love.”

Facebook Comments

bomboradyo