ILOILO CITY- Ginpasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang babaye nga nadakpan sa buybust operation sa Barangay San Antonio, Oton, Iloilo.

Ang arestado amo si Mary Joy Villarina, 30 anyos sang Barangay Pandac, Pavia, Iloilo nga nakuhaan sang ginabanta P8M nga balor sang suspected shabu.

Sa interview sang Bombo Radyo kay Pol. Col. Gilbert Gorero, director sang Iloilo Police Provincial Office, iya ginpahayag nga konektado si Villarina sa mga subjects sa nauna nga buybust operation sa Trapiche, Oton sa diin tatlo ka mga suspects ang nadakpan nga amo naman ang iya source sang druga.

Suno kay Gorero, si Villarina ang nakaangkon sang relasyon sa duha ka mga lalaki nga iya nakalive-in partner sadto nga lunsay napreso naman bangod sa kaso may kaangtanan man sa pagbaligya sang iligal nga druga.

Ginpahayag sang natungdan nga posible nga ginsalo kag ginpadayon lang ni Villarina ang negosyo sa iligal nga druga sang iya ulihi nga live-in partner nga ginakabig may koneksyon sa mga drug groups sa Negros Occidental.

Facebook Comments

bomboradyo