ILOILO CITY – Gintugyan na sa Department of Social Welfare and Development (DSWD) ang isa ka babaye matapos ginpahayag naglumpat sa Montinola Bridge sa Simon Ledesma St., Jaro, Iloilo City.

Ang babaye amo si Arlyn Lumugdang, 38, residente sang Brgy. Palale, Banga, Aklan.

Sa interview sang Bombo Radyo kay Lumugdang, iya ginpahayag nga wala siya nakainom sang maintenance nga bulong rason nga wala siya sa iya kaugalingon.

Sang ginpamangkot kun ngaa naglumpat siya sa taytay, ginpahayag ni Lumugdang nga luyag lang niya nga maglumpat.

“Gusto ko lang tumalon. Wala lang, gusto ko lang,” pahayag niya.

Nagtuyo pa kuntani si Lumugdang nga magpalagyo samtang nakaposas apang wala man ini nadayon sa iya nga tuyo.

Samtang, gilayon naman nga ginlab-ot sang City Social Welfare And Development Office (CSWDO) ang pamilya ni Lumugdang sa Banga, Aklan.

Sa interview sang Bombo Radyo kay Marelice Silvederio, CSWDO Officer, iya ginpahayag nga natumod nila nga may yara sang bipolar disorder si Lumugdang.

Suno kay Silvederio, may maintenance nga bulong si Lumugdang kag wala ini naka-inom rason nga wala sa normal ang iya paminsaron.

Natukiban suno sa natungdan nga nagsakay ini sa bus halin sa Aklan tubtub nakalab-ot sa Syudad sang Iloilo.

Ginpapauli naman ini sa Banga, Aklan sa bulig lang ila Municipal Social Welfare and Development Office.

Facebook Comments

bomboradyo