Kwestyonable subong ilabi na sa mga taga-probinsya sang Capiz ang akto sang mga pulis nga wala insigida gindakop ang isa ka ginatudlo nga suspek sa gina-alegar pagpanghimulos apisar nga natigayon gani nga ma-file ang kaso sa mismo adlaw nga gin-report ang rape case.

Ang kaso ginakaulamiran ni EJ Contreras, aspirant sa pagka-SB Member sa banwa sang Pontevedra kag hinablos ni incumbent Capiz Governor Esteban Contreras.

Sandig sa reklamo sang isa ka pangayaw nga 37-anyos nga lady rider, ginhimuslan siya Byernes sang kaagahon sa banwa sang Pontevedra kag sunod nga naka-report sa Roxas City Police Office sa amo man nga adlaw.

Gin-refer balik sa Pontevedra MPS ang amo nga kaso kag antes magtakop ang adlaw sang Byernes, na-file ang panumbungon nga Rape sa Roxas City Hall of Justice.

Apang ang pamangkot sang publiko: ngaa wala gin-aresto sang pulis si Contreras?

-- Web Ads --

Sa interview sang Bombo Radyo kay Atty. Nelson Borja, isa ka criminal law expert, iya ginpahayag nga kun nakakita ang mga pulis sang probable cause nga natabo ang krimen sandig sa nangin panaysayon sang tagreklamo, pwede gid kuntani nga madakop si Contreras sa sulod sang 36 ka oras umpisa sang gin-report ang krimen.

Pwede gid ini nga mahimo sang pulis bisan wala pa sang warrant of arrest ukon ‘bisan wala pa gani na-file ang kaso’ suno kay Borja.

Apang ang natabo, nahulog sa regular filing ang kaso — nga buot silingon — gin-file sang pulis ang kaso nga “AT LARGE ang suspek ukon wala naupod sa piskal.”

Kun inquest proceeding kuntani ang natabo suno kay Borja ukon kun nadala sang pulis si Contreras sa piskalya ‘within the period allowed by the law’, indi na ini makapyansa kag magapabilin nga detained samtang gina-file ang kaso sa husgado.

Samtang naga-proceed ang trial, preso kuntani si Contreras.

Apang baliskad diri ang natabo.

Bangud lampas na ang 36 ka oras, nadulaan na sang gahum ang pulis nga mapatigayon nga warrantless arrest.

Yara na sa fiscal ang papeles gani nga padal-an na lang sang subpoena ang respondent kag magapadala naman ang respondent sang iya nga counter-affidavit.

May himuon nga preliminary investigation kag kun makitaan sang probable cause, ipasaka sang investigating prosecutor ang kaso agud nga maka-isyu ang husgado sang warrant.

Kun maka-isyu ang korte sang warrant, amo pa lang kag pwede madakop si Contreras. ##

Facebook Comments

bomboradyo