Gin-postpone sang Olympic Council of Asia (OCA) ang Asian Youth Games kag gin-isol sa Disyembre 2022 bangud sa COVID-19 pandemic.

Ang hampang ang hiwaton kuntani sa Shantou city sa southern Guangdong province sa China sa maabot nga Nobyembre.

Sa announcement sang OCA, ila ginpahayag nga ang nasambit nga tikang ang pamaagi agud masiguro nga safe kag healthy ang mga atleta kag tanan nga mga participants.

Apang pahayag naman ni Chinese Vice Premier Han Zheng, siguruhon sang mga opisyal nga madayon “on time” ang Winter Olympics sa China sa Pebrero sa madason nga tuig.

Mangin ang Grand Prix Figure Skating nga naka-schedule kuntani sa Nobyembre 4 tubtob Nobyembre 7 sa southwestern city sang Chongqing ang kanselado man tuga sang restrictions bangud sa COVID-19 pandemic.

Facebook Comments

bomboradyo