Posible nga ipaidalom sa lockdown ang anom ka mga barangay sa syudad sang Iloilo.

Kasunod sang pagsaka sang COVID-19 cases, ginaplanuhan na sang COVID-19 team nga i-lockdown ang pila ka bahin ukon ang bug-os nga barangay sang:

  • Balabago, Jaro, Iloilo City;
  • Calumpang, Molo, Iloilo City;
  • Santo Niño Sur, Arevalo, Iloilo City;
  • Dulonan, Villa Arevalo, Iloilo City;
  • Tabuc Suba, Jaro, Iloilo City; kag
  • Quintin Salas, Jaro, Iloilo City

Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga nakigsapol na sila sa mga barangay officials sang nasambit nga mga lugar agud makahatag sang giya kun paano patigayunon ang plano nga paglockdown.

Suno kay Conlu, ginapreparar naman ang tanan nga kinahanglanon sang mga barangay kaangay sang bulig nga ayuda.

May iga-augment man nga mga police personnel nagikan sa Iloilo City Police Office agud magbantay kag magpatigayon sang checkpoint sa anom ka barangay.

Ginpahayag sang natungdan nga ang nutumod nga mga barangay ang may pinakamataas nga narekord nga COVID-19 cases humalin Mayo 1 tubtob Mayo 23.

Facebook Comments

bomboradyo