Ginpierde sang Australia ang team sang Argentina sa quarterfinals sang men’s basketball sa Tokyo 2020 Olympics, 97-59.

Ang resulta sang hampang amo man ang naga-signal sang pagretiro sang basketball legend nga si Luis Scola sang Argentina.

Ginakabig nga isa sa greatest basketball athletes of all time ang 41 anyos nga si Scola, kag sang natapos ang hampang nila batok sa Australia subong nga adlaw, nabaton niya ang pagdayaw nga nagakaangay para sa iya.

Nakaangkon si Scola sang standing ovation gikan sa iya mga teammates pati na halin sa mga Australians. Ini na posible ang final game sang iya international playing career.

Nangin emosyonal man si Scola sa bench samtang ginpabutyag sang iya mga teammates ang pagpasalamat sa iya kontribusyon sa hampang.

Sang 2004, ginbuligan ni Scola ang Argentina nga daugon ang Estados Unidos sa gold medal match sa basketball sa Athens.

Antes ang hampang sang amo nga tuig, ang Estados Unidos ang nakarekord sang tatlo ka asud-asud nga daug, kag ang kadalalag-an sang Argentina batok sa ila amo ang ginkabig isa sa biggest upsets sa Olympic history.

Magluwas diri, si Scola ang may yara man sang decade-long nga NBA career. Nakahampang siya sa Houston Rockets, Phoenix Suns, Indiana Pacers, Toronto Raptors kag Brooklyn Nets.

Sang 2008, ginkilala siya sa NBA All-Rookie First Team. Sang damlag lang, nakahampang man si Scola sa Pallacanestro Varese sang Lega Basket Serie A (LBA) sang Italya. #

Facebook Comments

bomboradyo