ILOILO CITY- Makahalanusbo ang gindangatan sang masobra 500 ka mga karnero sa kabukiran sang Ninotsminda, sa southern Georgia.

Trahedya para sa sin-o man nga mangunguma ng mapatyan sang sapat nga iya ginasagod.

Apang didto sa Georgia, masobra pa sa trahedya ang natabo bangod sa isa lang ka pag-igo sang kilat, indi lima, indi 10, indi isa ka gatos, kundi 550 ka mga karnero ang nagkalamatay.

Suno sa manugbantay sang mga karnero,wala na siya sang may nadumduman matapos nag-igo ang kilat kon sa diin nadulaan siya sang pangalibutan kag maswerte nga nabuhi.

Sang iya pagbugtaw, nakibot na lang siya nga patay na ang tanan nga mga karnero.

Kasunod sang insidente, ginsunog nalang ang nasambit nga mga karnero sa lugar.

Indi naman makapati ang tag-iya sang mga karnero nga nadula tanan sa isa lang ka kilat ang iya mga kasapatan.

Facebook Comments

bomboradyo