Naga-udyak ang bilog nga Indonesia matapos nakuha na sang ila duha ka atleta ang una nga gold medal sa Tokyo Olympic Games.

Gold medalists sanday Greysia Polii kag Apriyani Rahayu sa badminton matapos ginpierde ang pambato sang China sa final game.

Ini ang first medal sang Indonesia sa women’s doubles.

Sa walo ka Olympic medals nga natipon sang Indonesia halin pa sang una, lunsay ini nadag-an sa badminton.

Kasunod sini, nagbubo man ang promisa sang cash rewards sa duha ka Olympians; standout man ang pila ka premyo kaangay sang lima ka baka, isa ka meatball restaurant, kag bag-o nga balay.

Suno naman kay Indonesia President Joko Widodo, ang pagdaug sang duha ang makabig na nga regalo para sa independence day sa Agusto 17. #

Facebook Comments

bomboradyo