ILOILO CITY- Nagdangat sa 44 ang active cases sang COVID-19 sa San Juan Molo, Iloilo City.

Ini ang isa sa mga barangay nga may pinakamataas nga kaso sang COVID-19 sa syudad.

Sa interview sang Bombo Radyo kay Punong Brgy. Pascual Espinosa, iya ginpahayag nga ginatinguhaan gid nila nga mapatuman ang tanan nga health protocols, apang may iban nga nagakampante kag wala nagasunod rason kon ngaa nagsaka ang kaso sa ila barangay.

Punong Brgy. Pascual Espinosa

Suno kay Espinosa, sa subong, nagahulat siya sang Executive Order halin kay Mayor Jerry TreƱas sa pagpaidalom sa surgical lockdown sa mga zona nga may mataas nga kaso sang COVID-19.

Naghingyo naman ang natungdan sa mga pumuluyo ilabi na sa ginikanan nga mangin responsable kag indi pagpabay-an ang ila kabataan nga nagalagaw sa dalan ilabi na nga ginadumilian ang mga menor de edad nga maggwa sa ila mga balay samtang yara pa sa idalom sang Modified Enhanced Community Quarantine ang Iloilo City.

Facebook Comments

bomboradyo