ILOILO CITY- Gin-execute sa Syria ang 24 ka mga tawo nga convicted bangud sa terrorism charges angot sa hungod nga pagsunog sa kagulangan sa amo nga pungsod nga nagresulta sa kamatayon sang tatlo ka tawo.

Suno sa Syrian Ministry of Justice, gin-ako sang nasambit nga mga indibidwal nga gintutdan nila ang pila ka mga lokasyon nga nagresulta sa pila ka ektarya nga wildfure.

11 ka iban pa nga involved sa sunog ang ginpamatbatan sang life sentences nga hard labor, kag may apat ka iban pa ang ginsentensiyahan sang temporary hard labor.

Lima ka menor de edad ang gindagdagan sang jail sentences nga 10 tubtob 12 ka tuig bangud sa ila involvement.

Nahibaluan nga ginatugutan ang capital punishment sa Syria kun ang kaso nagalakip sang treason, espionage, murder kag arson.

-- Web Ads --

Facebook Comments

bomboradyo