Nagdiskarte pa ang isa 18-anyos nga lalaki nga isulod sa face mask ang walo ka sachets sang ginapatihan shabu apang natigayon gid nga madakpan sang mga pulis sa ginpatigayon nga drug buy bust operation sa Barangay Bakhaw, Mandurriao, Iloilo City.

Ang arestado amo si Jiggs Pedrajas, ginapahayag residente sang Barangay Desamparados, Jaro.Sa impormasyon sang Bombo Radyo, una nga nabaklan si Pedrajas sang isa ka sachet sang suspected shabu sa balor nga P8,200.

Dugang nga na-recover sa face mask sa sulod sang iya bulsa ang walo ka sachets sang amo nga iligal nga droga.

Ginabanta masobra tanan sa P200,000 ang balor sang nakuha nga suspected drugs.

Hunong na sa presuhan si Pedrajas nga ginakabig sang otoridad bilang street-level individual. ##

-- Web Ads --

Facebook Comments

bomboradyo