Natalana nga ipaidalum sa Reverse Transcription Polymerase Chain Reaction (RT-PCR) test ang mga na close contact sang mga empleyado sang Department of Health Center for Health Development – Western Visayas (DOH) Region 6.

Sa interview sang Bombo Radyo kay Dr. Mary Jane Juanico, COVID-19 spokesperson kag pinuno sang Infectious Disease Section sang DOH Region VI, iya ginpahayag nga nagdangat na tanan sa 20 ka mga empleyado sang ila opisina ang nagpositibo sa COVID-19.

Suno kay Juanico, ang nasambit nga mga empleyado ang nag-angkon sang close contact sa 175 ka mga tawo.

Sa nasambit nga numero, 25 palang ang ginpaidalum sa swab test kag may yara pa sang 150 nga natalana nga ipaidalum sa RT-PCR test.

Nagapati man si Juanico nga community acquired ang nasambit nga balatian sa diin posible nakuha ang mga ini sang holiday season.

Facebook Comments

bomboradyo