ILOILO CITY- Ibalik na lang ni Punong Barangay Roberto Niño sang Calumpang, Molo, Iloilo City ang nabaton nga food packs halin sa Department of Social Welfare and Development.

Sa interview sang Bombo Radyo kay Punong Barangay Niño, iya ginpahayag nga 153 boxes sang food packs lang ang ginhatag para sa pumuluyo sang Calumpang.

Suno sa opisyal, tuman ka kulang ini para sa masobra 5650 household sa ila barangay.

Pahayag sang natungdan, kon ipanagtag niya ini sa maiguan lang nga mga pamilya, pat-od nga magatuga lang ini sang gamo sa mga pumuluyo gani pakamaayuhon na lang niya nga ibalik ang nasambit nga food packs sa DSWD.

Nahibaluan nga ang ginapanagtag nga mga food packs amo ang ayuda para sa mga pumuluyo nga apektado sa ginapatuman nga Enhanced Community Quarantine sa syudad.

Facebook Comments

bomboradyo