ILOILO CITY- Nagsaka pa sa 131 ang nagpositibo sa COVID-19 sa Passi City Public Market.

Sa interview sang Bombo Radyo kay Passi City Mayor Atty. Stephen Palmares, iya ginpahayag nga ini ang resulta sang pagpaidalom sa swab test sang masobra 600 ka mga vendors matapos una nga nagpositibo ang pito sa mga ini.

Suno kay Palmares,posible nga madugangan pa ang mga magpositibo sa COVID-19.

Nahibaluan nga ginpaidalom sa enhanced community quarantine (ECQ) ang Passi City bangod sa narecord nga bag-o nga mga kaso.

Sa subong, sirado ang kalabanan nga mga establishments magluwas lang sa mga grocery stores, botika, mga balaklan sang pagkaon kag iban nga basic needs.

Gin-athag naman sang alkalde nga mahimo makagwa kag makasulod sa Passi City ang mga residente sang syudad nga frontliners.

Ang mga nagasakay naman sang bus nga may ruta Iloilo-Roxas City and vice versa ang mahimo makalabay, apang indi makalagaw ukon makapanaog sa Passi City.

Facebook Comments

bomboradyo