Mangatubang si presidential aspirant former senator Ferdinand “Bongbong” Marcos Jr. sang isa pa gid ka disqualification case sa 2022 national elections.

Subong nga adlaw, Disyembre 2, natalana nga mag-file ang Akbayan Party-list sang isa ka petition batok kay Marcos.

Sandig sa advisory sang grupo, ang disqualification case nga i-file sa Commission on Elections (Comelec) ang maga-assert nga indi pwede makapadalagan si Marcos para sa public office bilang resulta sang iya 1995 tax evasion conviction.

Lakip sa signatories sa petition amo sanday Akbayan First Nominee Perci Cendaña, former Commission on Human Rights Chairperson Etta Rosales, lawyer Byron Bocar sang Institute for Political and Electoral Reforms, Akbayan Youth Chairperson Dr. RJ Naguit, Tition Lao-Manalo kag Doris Nuval sang Claimants 1081, Jean Enriquez sang Coalition Against Trafficking in Women (CATW-Asia Pacific) kag Nice Coronacion sang Sentro ng mga Nagkakaisa at Progresibong Manggagawa (SENTRO).

May patigayunon man nga protest action kadungan sang iga-file nga petition suno sa Akbayan.

-- Web Ads --

Antes sini, may apat na nga daan ka disqualification cases nga gin-file sa Comelec agud balabagan ang presidential ambition ni Marcos. ##

Facebook Comments

bomboradyo