Isa ka balay ang totally damaged kag duha ang partially damaged sa duha ka barangay sa syudad sang Iloilo kasunod sang paglaslas ni bagyo Maring.

Sa interview sang Bombo Radyo kay Darwin Papa, operation officer sang City Disaster Risk Reduction and Management Office (CDRRMO), iya ginpahayag nga lunsay gin-evacuate ang duha ka pamilya sa Brgy. Sto.Niño Sur Arevalo Iloilo City matapos nagkalaguba ang porsyon sang ila nga balay.

Ang duha ka pamilya ang lunsay nagapuyo sa atubang mismo sang baybay kun sa diin nalab-ot sang balod ang ila mga balay.

Narumpag naman kag nawasak ang isa ka balay sa Mansaya-Lapuz, Iloilo City nga nahamtang sa baba mismo sang creek.

Wala man sang reported casualties apang yara pa sa evacuation center ang mga apektado.

-- Web Ads --

Nagpadala naman sang nagakaigo nga bulig ang City Social Welfare and Development (CSWD) sa mga evacuees.

Facebook Comments

bomboradyo