Itinakda na ng International Criminal Court (ICC) ang ilang mahahalagang petsa para sa tuluyang-pag-usad ng kaso ni dating Pangulong Rodrigo Duterte na mahigit isang taon nang nakadetine sa The Hague, Netherlands.
Ito ay kasunod ng unang status conference sa kaniyang kaso nitong Mayo-27.
Ilan sa mga mahahalagang petsa ay ang mga sumusunod:
June 23 – ikalawang status conference
June 29 – submission ng Prosecution ng kanilang inisyal na listahan ng mga testigo
July 14 – ikatlong status conference
August 31 – Cut-off para sa submission ng prosecution sa kanilang final witness list at evidence
September 28 – trial briefing para sa mga kinatawan ng mga biktima
October 30 – trial briefing para sa Defense panel
Inaasahang magsisimula ang trial laban sa dating pangulo ng Pilipinas sa Nobiyembre-30, 2026. Ang naturang buwan ang ika-20 buwan na mula noong naaresto siya sa Manila.
