Bukas daw ang pamahalaan sakaling ipasok din sa Pilipinas ang aprubadong COVID-19 test kit ng US Food and Drug Administration (US FDA).

Kamakailan nang bigyan ng emergency use authorization ng US FDA ang Lucira COVID-19 all-in-one test kit, na pwedeng gamitin sa bahay.

“For invitro diagnostics, since hindi naman gamot ito, nagbibigay kami ng special certifications and kapag ito ay US FDA approved naman, then madali na lang siya magpa-approve sa FDA ng Philippines,” ani FDA director general Eric Domingo.

Ayon sa opisyal, kailangan dumaan sa validation ng Research Institute of Tropical Medicine (RITM) ang produkto bago bilhin ng Department of Health (DOH).

“We ask RITM to validate, and DOH will not naman buy it unless validated by RITM and shown to be accurate and reliable.”

Batay sa anunsyo ng US FDA, inirerekomendang gamitin ang Lucira test kit sa mga edad 14-anyos pataas, na suspected sa COVID-19. Layunin daw nito na maka-kolekta ng nasal swab samples kahit sa sariling tahanan.

“It is also authorized for use in point-of-care (POC) settings (e.g., doctor’s offices, hospitals, urgent care centers and emergency rooms) for all ages but samples must be collected by a healthcare provider when the test is used at the POC to test individuals younger than 14 years old,” ayon sa statement ng US FDA.

Bukas din daw ang FDA kung gugustuhin ng manufacturer ng test kit na ipa-rehistro ang produkto dito sa Pilipinas.