Prof. Al Nezzar Ali, artistic director sa Kalilangan 2020

GENERAL SANTOS CITY – Giawhag ni Prof. Al Nezzar Ali, artistic director sa Kalilangan 2020 ang tanan nga mutan-aw sa mga cultural performances pinaagi sa live streaming sa ilang FB page nga Kalilangan.

Magsugod kini ning adlawa hangtod sa Feb 27.

Sa Feb. 27 ipahigayon ang wreath laying ceremony sa ika-81 nga founding anniversary sa dakbayan kung asa may mga cultural performances nga matigayon sa maong event kauban ang performing group gikan sa Davao ug kini masundan gihapon sa live streaming.

Ang wreath laying ceremony nga ipahigayon sa Plaza ng Heneral Santos mao kini ang paghinumdum sa pag-abot sa dakbayan sa grupo ni Gen. Paulino Santos 81 ka tuig na ang nakalabay.

Gibutyag ni Prof. Ali, anaa lang sa 400 ang mga partisipante sa wreath laying ceremony og dili imbitado ang tanan.

May matigayon gihapon nga Kapehan sa Dalan apan dili pareho sa miaging mga tuig nga tugutan ang pagdagsa sa daghang tawo. Limitado ang tanang aktibidad gumikan gihapon sa bahad sa COVID 19.